پاکستان اور برطانیہ نے مشترکہ کوششوں کے ذریعے دہشت گردی کے خلاف جنگ جاری رکھنے کے عزم کا اظہار کیا ہے۔
وزیر خارجہ حنا ربانی کھر اور برطانوی وزیر خارجہ ولیم ہیگ نے اسلام آباد میں مذاکرات کے بعد مشترکہ نیوز کانفرنس سے خطاب کرتے ہوئے کہا کہ دونوں ملک دہشت گردی کے خلاف جنگ میں اتحادی ہیں۔
برطانوی وزیر خارجہ نے دہشت گردی کے خلاف جنگ میں پاکستان کی قربانیوں کا اعتراف کرتے ہوئے امید ظاہر کی کہ وہ اس جنگ میں کامیاب ہوں گے۔
انہوں نے کہا کہ برطانیہ اور پاکستان کے تعلقات باہمی اعتماد اور احترام پر مبنی ہیں اوربرطانيه ان تعلقات کو بڑی اہمیت دیتاہے.
اس موقع پر وزیر خارجہ حنا ربانی کھر نے کہا کہ دونوں ملکوں کے تعلقات انتہائی مستحکم ہیں اور ہم سٹرٹیجک ڈائیلاگ اور تجارت سمیت پانچ مختلف شعبوں پر کام کر رہے ہیں۔
No comments:
Post a Comment