وزارت داخلہ نے ایف آئی اے سے سابق وزیر اعظم شوکت عزیز کے خلاف جاری عدالتی مقدمات اور زیر التواء تحقیقات کی رپورٹس طلب کر لی ہیں .
میڈیا کو ملنے والی سرکاری دستاویزات کے مطابق وزارت داخلہ کی جانب سے ایف آئی اے کے اینٹی کرپشن ونگ کو ایک خط لکھا گیا ہے جس میں سابق وزیر اعظم کے خلاف اکبر بگٹی قتل کیس سمیت دیگر عدالتی مقدمات اور تحقیقات کی رپورٹس طلب کی گئی ہیں.وزارت نے عدالت کی جانب سے شوکت عزیز کو اشتہاری قرار دینےکے فیصلے کی تفصیلات بھی مانگی ہیں.واضح رہے کہ سابق وزیر اعظم کے خلاف اکبر بگٹی کے قتل کے سلسلے میں ایف آئی آر پہلے سے درج ہے جس میں ان کے ساتھ سابق صدر پرویز مشرف اور سابق وزیر داخلہ آفتاب شیرپاؤ کے نام بھی شامل ہیں.
No comments:
Post a Comment