ایک بھارتی اخبار نے دعوی کیا ہےکہ بھارت نے اس ماہ ہونے والے سیکریٹری سطح مذاکرات کے دوران پاکستان سے سیاچین کے معاملےپر بات چیت کے لیے مشروط آمادگی ظاہر کردی ہے.
اخبار کے مطابق گیارہ جون سے شروع ہونے والے دوروزہ مذاکرات کے ایجنڈے میں سرکریک اور سیاچین کے معاملے کو بھی شامل کر لیا گیا ہے.اخبار نے لکھا ہے کہ بھارت کا موقف ہے کہ سیاچین کا معاملہ ذیادہ پیچیدہ ہونے کی وجہ سے پہلے سرکریک ایشو پر بات چیت کر لی جائے.تاہم اخبار لکھتا ہےکہ پاکستان سرکریک پر اپنے کارڈز شو کرنے سے قبل یہ دیکھنا چاہتا ہے کہ بھارت سیاچین کے معاملے پر کس حد تک لچک کا مظاہرہ کرتا ہے.واضح رہے کہ
سات اپریل کے حادثے میں 129 فوجیوں کی شہادت کے بعد پاکستان میں سیاچین سے فوجی کی واپسی کا معاملہ پوری شد و مد کے ساتھ اٹھایا جاتا رہا ہے.حادثے کے فورًا بعد وزیر اعظم من موہن سنگھ سے اپنی غیر رسمی ملاقات میں صدر آصف زردای بھی سیاچین سے فوجوں کی واپسی سے متعلق بات چیت کر چکے ہیں.
No comments:
Post a Comment