پاک فوج کا حکومت کو عدلیہ کے ساتھ تصادم سے گریز کا مشورہ

پاک فوج حالیہ عدلیہ مخالف مہم کا گہری نگاہ سے بغور جائزہ لے رہی ہے اور اس نے اس سلسلے میں اپنے تحفظات سے وفاقی حکومت کو آگاہ کردیا ہے.

ذرائع کے مطابق پاک فوج کی جانب سے حکومت کو کہا گیا ہے کہ عدلیہ کے ساتھ تصادم سے گریز کیا جائے اور صورتحال کو پوائنٹ آف نو ریٹرن تک نہ لا جائے.ذرائع کا کہنا ہے کہ اگرچہ پاک فوج ملک ریاض ،میڈیا کے کچھ ارکان اور مبینہ طور سرکاری تائید کے ساتھ چلائے جانے والے عدلیہ مخالف مہم پر بظاہر خاموش رہی ہے تاہم اندرون خانہ حکومت کو واضح پیغام دے دیا گیا ہے.پاک فوج کی جانب سے حکومت کو مشورہ دیا گیا ہے کہ معاملے کو آئینی حدود کے اندر رہ کر حل کیا جائے.