ملک ریاض کے وکیل زاہد بخاری کہتے ہیں ارسلان کیس نیب کے دائرہ اختیار میں ہے

ملک ریاض کے وکیل زاہد بخاری نے کہا ہے کہ قومی احتساب  ارسلان افتخار کیس کی  تحقیقات کرنے کا مجاز ہےا ور اس سلسلے میں چئیرمین نیب کا بیان کسی غلط فہمی کا نتیجہ ہے.


اسلام آباد میں میڈیا سے بات چیت کرتے ہوئے زاہد بخاری کا کہنا تھا کہ نیب آرڈینینس سکیشن 9 اور سیکشن اٹھارہ کے تحت قومی احتساب بیورو ارسلان کیس سے متعلق تحقیقات کرنے کا مجاز ہے.ان کا کہنا تھا کہ یا تو چئیرمین نیب کو اس حوالے کوئی غلط فہمی ہوئی ہے اور یا پھر ان سے منسوب بیان غلط ہے.واضح رہے کہ نیب چیئرمین فصیح بخاری نے گزشتہ روز کہا تھا کہ ارسلان کیس دو شخصیات کا آپس کے لین دین کا معاملہ ہے جس کا قومی خزانے سے کوئی تعلق نہیں ،اس لیے یہ نیب کے دائرہ اختیار میں نہیں آتا.