ابھیشک بچن نے دھوم تھری میں شرٹ اتارنے سے انکار کردیا

بالی ووڈ فلم دھوم تھری کے لیے عامر خان تو مختلف نظر آنے کی کوششوں میں  اپنے مسلز بنانے پر خوب محنت کررہے ہیں تاہم ان کے کو-سٹار ابھیشک بچن کا معاملہ ذرا الگ تھلگ ہی ہے.

چھوٹے بچن اس فلم میں ایک پولیس مین کا کردار ادا کررہے ہیں جس کے لیے انھوں نے گزشتہ سیریز میں نظر آنی والی اپنی لُک کو برقرار رکھنے کا فیصلہ کیا پے.اس بات کی وضاحت کرتے ہوئے ابھیشک کا کہنا ہے کہ دھوم ایک خاص قسم کےaudience کے لیے بنائی گئی فلم ہے جس میں وہ اپنے گزشتہ کردار میں تبدیلی کے متحمل نہیں ہو سکتے.عامر خان  دھوم تھری میں ایک نیا کردار ادا کر رہے ہیں ،اس لیے وہ نئی لک کے ساتھ آسکتے ہیں.اداکار نے کہا کہ ان کے لیے ممکن نہیں کہ وہ کلین شیو یا حیران کن باڈی مسلز کے ساتھ سکرین پر آسکیں اور نہ ہی وہ دھوم تھری میں شرٹ اتارنے کےلیے تیار ہیں.انھوں نے کہا کہ پولیس مین کا کردار ادا کرتے ہوئے اس قسم کی حرکتیں کرنے سے وہ بے وقوف ہی نظر آئیں گے.