نرگس سیٹھی خفیہ ایجنسیوں کے دفاع میں آگے آگئیں

سیکرٹری دفاع نرگس سیٹھی نے کہا ہے کہ لاپتہ افراد کے حوالے سے  خفیہ ایجینسیوں پر لگائے جانے والے  الزامات درست نہیں ہیں.

اسلام آباد میں میڈیاسے بات چیت کرتے ہوئے نرگس سیٹھی کا کہنا تھا کہ لاپتہ افراد کے معاملے پر پچاس فیصد الزامات کا تعلق ایف سی سے ہے جو کہ وزارت داخلہ کے ماتحت ہے.ان کا کہنا تھا کہ سپریم کورٹ سمیت پانچوں ہائی کورٹس میں بھی لاپتہ افراد کے 605 کیسز زیر سماعت ہیں.انھوں نے کہا کہ پوری دنیا پاکستان کی خفیہ ایجنسیوں کے پیچھے پڑی ہوئی ہے، ہر معاملے کا الزام خفیہ اداروں پر نہیں ڈالنا چاہے.سیکرٹری دفاع نے مزید کہا کہ خفیہ ایجسیوں کے بہت سے معاملات وزارت دفاع کے ماتحت نہیں ہیں.ایجسیوں پر وہ گناہ بھی ڈال دیا جاتاہے جو انھوں نے نہیں کیا ہوتا.