بالی ووڈ کی خوبرو اداکارہ رانی مکھر جی نے انکشاف کیا ہے کہ وہ اپنے کیریر کے آغاز میں عامر خان کی آنکھوں میں نہیں دیکھ پاتی تھیں.
اپنے ایک گروپ انٹرویومیں رانی کا کہنا تھا کہ وہ اپنے سکول کے زمانے سے ہی عامر خان کی بہت بڑی فین تھیں اور جب انہیں عامر خان کے ساتھ پہلی فلم کا موقع ملاتو وہ خاصی نروس تھیں. رانی مکھر جی نے انکشاف کیاکہ وہ ایک طویل عرصے تک عامر خان کی آنکھوں میں دیکھنے سے کتراتی رہیں کیونکہ انہیں ڈر تھا کہ کہیں وہ مسٹر پروفیکشنسٹ کی محبت میں نہ گرفتار ہوجائیں.انھوں نے مزید کہا کہ اب ایسا نہیں ہے اور وہ عامر خان کی آنکھوں میں دیکھ سکتی ہیں بلکہ جب تک عامر خان خود انہیں آنکھیں ہٹانے کا نہ کہیں وہ انہیں دیکھنے کا حوصلہ رکھتی ہیں.
ون ڈے اور ٹی ٹوئنٹی کرکٹ میچ کی پہلی گیند پر چھکا تو معمولی بات ہے ،مگر ٹیسٹ میچ کی پہلی گیند کو بھی کوئی کھلاڑی بائونڈری سے باہر پھینک دے گا،ایسا آپ نے کبھی نہیں دیکھا ہوگا.
مگر اب یہ کارنامہ بھی سر انجام پا گیا ہے اور گیند کو چھ رنز کے لیے بائونڈری کے باہر پہنچانے والے کھلاڑی کوئی اور نہیں،ویسٹ انڈیز کے اوپنر کریس گیل ہیں...جی ہاں کریس گیل نے ڈھاکہ ٹیسٹ کے پہلے روز بنگلہ دیش کے خلاف اننگز کی ابتدا کرتے ہوئے پہلی ہی گیند پر چھکا جڑدیا.گیل نے اپنا پہلا میچ کھیلنے والے بنگلہ دیشی بائولر سہاگ غازی کا ٹیسٹ کرکٹ میں کیا خوب کیا استقبال ،نہ صرف یہ کہ پہلی ہی گیند پر چھکا لگایا بلکہ نوجوان بائولر کے ایک اوور میں اٹھارہ رنز لوٹ لیے . مگر سہاگ غازی نے بھی ہمت نہ ہاری اور 24 کے انفرادی سکور پر کریس گیل کو ٹھکانے لگا کر حساب برابر کردیا لیکن اس سے قبل کریس گیل ٹیسٹ میچ کی پہلی ہی گیند پر چھکا لگانے کا ریکارڈ اپنے نام کرچکے تھے.
