کرینہ کپور کا نوے سال کی عمر تک بالی ووڈ پر راج کرنے کا خواب

 جب سے بالی ووڈ میں یکے بعد دیگرے نئی اداکاراؤں نے قدم رکھا ہے کرینہ کپور کے کیریر کے بارے میں سوالات اٹھنے لگے ہیں.

 اس وقت بھی نئی ہیروئین ودیا بالن او کرینہ کپور کے درمیان کانٹے کا مقابلہ چل رہا ہے.دونوں ایک کے بعد ایک  ہٹ فلم بالی ووڈ کو دے رہی ہیں .حال ہی میں ودیا بالن کی ہٹ فلم " ڈرٹی پکچر" نے انھیں شہرت کی نئی بلندیوں پر پہنچایا تو اب کرینہ پر بھی ایک ہٹ فلم ڈیو ہو گئی  ہے.اب فلم بینوں کے نظریں کرینہ کی نئی فلم ہیرئین پر لگی ہیں جس کا موازنہ "ڈرٹی پکچر"سے کیا جارہا ہے. تاہم خود  بے  بو   نے اس تاثرکی نفی کرتے ہوئے کہا ہے کہ "ہیروئین " ڈرٹی پکچر سے قطعاً مختلف فلم ہے اور دونوں کا موازنہ قرین انصاف نہ ہوگا. ویل ! 'ہیروئین " کی کامیابی کا اندازہ تو اس کی ریلیز کے بعد ہی ہوگا تاہم نئی اداکاراؤں کی جانب سے بڑھتے ہوئے خطرے کے باوجود کرینہ کپور اپنی جگہ چھوڑنے کو تیار نظر نہیں آتیں.حال ہی میں اپنے ایک انٹرویو میں انھوں نے کہہ دیا کہ وہ 90 سال  کی بھی ہوگئیں تب بھی فلم انڈسٹری میں اپنا کام جاری رکھیں گی.بے بو کا کہنا تھا کہ نہ وہ کسی کی طرح کی ہو سکتی ہیں اور نہ ہی کوئی ان کی جگہ لے سکتا ہے.انھوں نے اپنا موازنہ اداکارہ زوہرا سیگل سے کرتے ہوئے کہا کہ اگر وہ 90 سال کی عمر تک کام کر سکتی ہیں تو وہ کرینہ کپور کیوں نہیں کرسکتی.