وزارت پیٹرولیم نے گیس کی کمی کے باعث نومبر اور دسمبر کے مہینوں میںسی این جی سٹیشنز کو گیس کی فراہمی مکمل طور پر بند کرنے کا فیصلہ کیا ہے.
وزارت پیٹرولیئم کا موقف ہے کہ گیس کے زبردست شارٹ فال کے باعث سردیوں میں یا تو گھریلو صارفین کو گیس دی جاسکے گی یا پھر سی این جی سٹیشنز کو سپلائی فراہم ہو سکے گی.وزارت کے مطابق مجبوری کے باعث سی این جی سٹیشنز کو گیس کی فراہمی دو ماہ کے لیے بند رکھنے کا فیصلہ کیا گیا.اگر چہ سی این جی سٹیشن مالکان کی جانب سے فیصلے کے خلاف زبردست مزاحمت متوقع ہے تاہم وزیر پیٹرولیئم ڈاکٹر عاصم حسین کسی صورت اپنے فیصلے میں لچک کے لیے تیار نہیں ہیں.ان کا کہنا ہے گھریلو صارفین کو سپلائی بند نہیں کر سکتے اس لیے حکومت کے پاس کوئی دوسرا آپشن موجود نہیں ہے.
No comments:
Post a Comment