سنجے لیلا بھانسالی آج کل "رام لیلا" کے نام سے فلم رومیو اینڈ جولیئٹ کا گجراتی ورژن بنا رہے ہیں.لیکن اس پروجیکٹ کے لیے انہیں "جولئیٹ" کی تلاش نے خاصا پریشان کررکھا تھا.ابتداء میں اس کردار کے لیے کرینہ کپور کو پیشکش کی گئی تاہم انھوں نے مناسب تاریخیں دستیاب نہ ہونے کی وجہ سے معذرت کر لی.اس کے بعد تو جیسے اس کردار کے لیے بالی ووڈ ہیروئینز کے درمیان دوڑ سی لگ گئ.کچھ عرصہ اطلاعات رہیں کہ بھانسالی اس کردار کے لیے پرینکا چوپڑا کو سائن کرنے والے ہں مگر پھر کسی وجہ سے یہ بیل بھی مونڈے نہ چڑھ سکی .اس کے بعد خبر آئی کہ دیپیکا پڈوکون کو رنویرسنگھ کے مقابل جولیئٹ کے رول کے لیے فائنل کر لیا گیا ہے،حتی کے اس مقصد کے لیے ان کا آئڈیشن تک کر لیا گیا.مگر پھر سنجے لیلا بھانسالی کو لگا کہ دیپیکا پڈوکون بھی اس کردار سے سہی طور پر انصاف نہیں کر پائیں گی.اصل میں فلم ساز جولئیٹ کے کردار کے لیے ابھی بھی اپنی پہلی چوائس یعنی کرینہ کپور ہی کی طرف دیکھ رہے تھے.ایک طویل انتظار کے بعد بالآخر اب بھانسالی کی دیرینہ خواہش پوری ہوگئی ہے اور ان کی پہلی ترجیح یعنی بالی ووڈ بے بو کرینہ کپور نے "رام لیلا " میں کام کرنے کی حامی بھر لی ہے.اگر چہ بے بو اپنی شرائط پر کام کرنے کے لیے رضامند ہوئی ہیں تاہم پھر بھی سنجے لیلا بھانسالی نے کھوئی ہوئی جولئٹ کے دوبارہ ملنے پر یقیناً اطمینان کا سانس تو لیا ہی ہوگا!!!!
No comments:
Post a Comment