فٹبال کلب چیلسی کے تجربہ کار مڈ فیلڈر فرانک لیمپرڈ،جو ممکنہ طور پر اپنے کیریر کے اختتامی دور سے گزر رہے ہیں،انھوں نے ریٹائرمنٹ کے بعد چیلسی کا منیجر بننے کی خواہش کا اظہار کیا ہے.
اپنے ایک حالیہ انٹرویو میں معروف فٹبالر کا کہنا تھا کہ وہ ریٹائرمنٹ کے بعد کوچنگ کیریر میں دلچسبی رکھتے ہیں تاہم وہ صرف چیلسی کے ساتھ کام کرنا پسند کریں گے.ان کا کہنا تھا کہ اگر چہ انھوں نے کبھی اس کا تصور بھی نہیں کیا تھا کہ وہ اتنے بڑے کلب کی کوچنگ کے فرائض سر انجام دے سکیں گے تاہم اگر وہ کوچنگ کی طرف آئے تو صرف چیلسی باس بننا ہی پسند کریں گے.لیمپرڈ کا چیلسی کے ساتھ موجودہ معاہدہ ختم ہونے کو ہے اور امید ہے کہ وہ کلب کے ساتھ نیا معاہدہ کرنے میں کامیاب ہوجائیں گے جو ممکنہ طور پر ان کے کیریر کا آخری سیزن ہوگا.
No comments:
Post a Comment