بالی ووڈ ایکٹریس کترینہ کیف کے وہ مداح ،جواپنی فیورٹ اداکارہ کی آواز میں گانا سننے کی تمنا لیے بیٹھے تھے ،ان کے لیے مایوس کن خبر ہے کہ اس حوالے سے چکنی چمیلی گرل کا خواب فی الحال ادھورا رہ گیا ہے.
جی ہاں یش راج کی نئی آنے والی فلم کے نغموں کی دھنیں ترتیب دینے والے شہرہ آفاق موسیقار اے آر رحمن نے تردید کی ہے کترینہ کیف فلم میں ان کا بنایا ہوا کوئی گانا گائیں گی.حالانکہ اس سے قبل اطلاعات یہی تھیں کہ کیٹ شاہ رخ خان کےہمراہ فلم میں اداکاری کے ساتھ ساتھ اپنی آواز کا جادو بھی جگائیں گی.ایک بھارتی اخبار سے بات چیت کرتے ہوئے اے آر رحمن کا کہنا تھا کہ ان کی بنائی ہوئی کسی دھن پر کترینہ کے گانے کا فی الحال کوئی منصوبہ نہیں.دلچسب بات یہ ہے کہ کترینہ اس سے قبل ایک چییریٹی البم میں اے آر رحمن کی ہی بنائی ہوئی دھن پر ایک گانا گا چکی ہیں جس کو آسکر ایوارڈ یافتہ موسیقار نے بے حد پسند کیا تھا.مگر اب لگتا ہے کہ اے آر رحمن کترینہ کو سردست فلموں کے لیے گانے کے قابل نہیں سمجھ رہے،کم از کم ان کی جانب سے تردید سے تویہی محسوس ہوتا ہے.!!!!!!
No comments:
Post a Comment