سلمان خان کے مداحوں کے لیے خوش خبری ،سٹار سے ملنے کا خواب پورا ہوسکتا ہے.

فلم سٹار سلمان خان کے مداحوں کے لیے خوش خبری یہ ہے کہ اگر قسمت کی دیوی ان پر مہربان ہو تو وہ اپنے پسندیدہ فنکار کے مہمان بن سکتے ہیں.

جی ہاں ! آپ نے بالکل درست سنا ،سلمان خان کا کوئی بھی مداح اب ان کا مہمان بن سکتا ہے جس کے لیے اسے مشہور ریئلٹی شو بگ باس میں پہنچنا ہوگا.ویسے تو اس شو کے پروڈیوسرز ہر مرتبہ اس کے فارمیٹ میں جدت لے کر آتے ہیں مگر اس دفعہ بگ باس آ رہا ہے اور بھی انھوکے آئیڈیا کے ساتھ.چینل کے منتظمین  نے فیصلہ کیا ہے کہ اس مرتبہ خاص لوگوں کے ساتھ ساتھ شو میں عام افراد کی شرکت بھی یقینی بنائی جائے گی .اس کے لیے ہو گا یہ کہ جو بھی اس شو میں پہنچنے میں کامیاب ہوگا وہ اپنے پسندیدہ فنکاروں کے ساتھ ایک گھر میں رہ پائے گا.اس طرح یقینا یہ سلمان خان کے مداحوں کے لیے بہت بڑا موقع ہوگا کہ وہ اپنے پسندیدہ سٹار کی میزبانی سے لطف اندوز ہوسکیں.